Gjatë fjalës së tij në Kuvend, Vuçiq tha se do të përkujdeset për ruajtjen e sovranitetit të Serbisë, teksa aty përfshiu edhe Kosovën si pjesë të saj.
“Betohem se të gjitha fuqitë e mia do t’i përkushtoj për ruajtjen e sovranitetit të të gjithë territorit të Republikës së Serbisë, përfshirë Kosovën dhe Metohinë si pjesë përbërëse të saj, si dhe ushtrimin e të drejtave dhe lirive të njeriut dhe të pakicave, respektimin dhe mbrojtjen e Kushtetutës dhe Ligjet, duke ruajtur paqen dhe prosperitetin e të gjithë qytetarëve”, shkruan Kosovo online, transmeton teve1.info
Vuçiq theksoi se çështja e Kosovës ka lidhje me krizën në Ukrainë.
Serbia është ndër vendet e vetme në Evropë që nuk i kanë vënë sanksione Rusisë për shkak të agresionit në Ukrainë dhe për këtë po përballet me presion të madh nga shtetet perëndimore. /Teve1.info/
