Presidenti i Serbisë, Aleksandër Vuçiq ka thënë se sa i përket Asociacionit, kryeministri Kurti kishte prezantuar tri shtylla të cilat ai i kishte refuzuar.
Ato sipas tij ishin Kushtetuta e Kosovës, një deklaratë e Federica Mogherinit për Isa Mustafën dhe një vështrim i shkruar nga Derek Chollet dhe Gabriel Escobar.
Sipas tij, ky mekanizëm është më i rëndësishëm për serbët në jug të Ibrit, pasi ata sipas tij jetojnë si në një geto.
“Ne ende kemi një numër pak më të madh të njerëzve që jetojnë në jug të Ibrit. Të gjithë ata që jetojnë në jug të Ibrit jetojnë si në një geto. Ata nuk kanë asnjë kuadër institucional. Të gjithë presin ta kapin dorën për Mitrovicën e Veriut. Ne kemi nevojë për Asociacion kudo ku jetojnë serbët, por shumë më tepër në jug sesa në veri” tha Vuçiq, duke theksuar se Serbia kishte luftuar për të zbatuar atë që është rënë dakord edhe pse pala kosovare nuk ishte e gatshme për këtë.
Ai tha se pret që të ketë shumë telashe për Asociacionin, shkruan danas, transmeton teve1.info.
“Ajo që thuhet saktësisht (në aneks) është zbatimi i marrëveshjeve të arritura në dialog. Jemi të kënaqur me atë që është arritur në dialog. Nëse nuk përmbushet, na takon ne të marrim vendime se çfarë do të përmbushim”, tha Vuçiq,
