Njëri nga pjesëtarët e grupit serbë të përbërë prej 30 vetave është vrarë nga Policia e Kosovës, pas sulmeve që ky grup ka bërë në drejtim të tyre.
Rasti është konfirmuar nga Policia e Kosovës.
“Sulmuesit profesional në numër të konsiderueshëm, të maskuar e të uniformuar me uniforma të ndryshme, të armatosur me armë të rënda, granata, mjete ushtarake (zolla), disa mjete të blinduara, po shfrytëzojnë hapësira dhe objekte të ndryshme, private, përfshirë në dhe përreth manastirit në Banjska, për të kryer lëvizje, strehim dhe pozicionim për gjuajtje me armë zjarri ndaj njësiteve policore të PK-së. Njësitet policore konform situatës dhe rrezikut të shfaqur nga sulmet sporadike të grupeve kriminale, në vetëmbrojtje të tyre dhe të qytetarëve të asaj zone, janë detyruar t’iu kundërpërgjigjen grupeve kriminale, ku referuar informacioneve të deritanishme, një nga sulmuesit është vrarë”, thuhet në komunikatë, përcjell teve1.info
Sipas PK-së situata në veri, konkretisht në zonën e fshatit Banjska vazhdon të jetë e tensionuar, ku grupet kriminale po sulmojnë kohë pas kohe policinë.
Një pjestarë i PK-së është vrarë në orët e mëngjesit dhe një tjetër është plagosur pas sulmit që kanë bërë një grup i serbëve në drejtim të Policisë së Kosovës.
