Një person është vrarë me armë zjarri dhe dy të tjerë kanë mbetur të plagosur pasditen e së dielës në Vushtrri, raporton teve1.info
Lajmin për teve1.info e konfirmoi zëdhënësi i Policisë së Kosovës për Rajonin e Mitrovicës, Avni Zahiti, i cili tha se dy veta janë arrestuar lidhur me këtë rast.
Ai tha se ngjarja ka ndodhur në kryqëzimin e rrugëve “Mehmet Konjuhi” dhe “Rifat Galica”, derisa shtoi se hetimet po vazhdojnë.
Sipas Zahitit, ngjarja është raportuar të ketë ndodhur rreth orës 16:00.
“Rreth orës 15:50, është raportuar se në kryqëzimin e rrugëve ” Mehmet Konjuhi” dhe “Rifat Galica” nga arma e zjarrit ka humbur jetën një person ndërsa dy persona tjerë kanë mbetur të plagosur. Lidhur me rastin janë arrestuar dy persona të dyshuar si dhe është konfiskuar një armë. Hetimet e mëtejme po vazhdojnë nga njësite përkatëse policore”, tha Zahiti.
