Një oficer dhe ushtar në batalionin e zbulimit të Brigadës Golani, u vranë në Khan Yunis të shtunën, tha IDF të hënën, transmeton The Jerusalem Post.
Një ushtar i tretë, gjithashtu nga Brigada e Golanit , u plagos në të njëjtin incident.
Sipas Walla-s , dy ushtarët u vranë ndërsa ishin në një transportues të blinduar personeli (APC) si pasojë e një pajisjeje shpërthyese.
Gazeta izraelite njoftoi se tre ushtarë izraelitë u vranë në Gaza vetëm gjatë fundjavës.
Kurse, gazeta Yedioth Ahronoth tha se Divizioni i Rehabilitimit i Ministrisë së Mbrojtjes pranoi 18,500 ushtarë dhe forca të tjera të sigurisë të plagosur me shkallë të ndryshme të lëndimit.
Sipas të përditshmes, më shumë se 10,000 ushtarë izraelitë kanë vuajtur nga sëmundje të shëndetit mendor, përfshirë 3,679 të diagnostikuar me çrregullim të stresit post-traumatik.
Gazeta tha se 9,000 ushtarë paraqitën kërkesa për t’u njohur lëndimet psikologjike, duke përfshirë ankthin, çrregullimet e përshtatjes, çrregullimin e stresit post-traumatik dhe depresionin vetëm në vitin 2024.
Ushtria izraelite ka ndërmarrë një ofensivë brutale në Gaza që nga 7 tetori 2023, duke vrarë më shumë se 59,800 palestinezë, shumica prej tyre gra dhe fëmijë.
Bombardimet e pamëshirshme kanë shkatërruar enklavën dhe kanë çuar në mungesë akute ushqimi./teve1/
