Një vrasje në tentativë ka ndodhur mbrëmë në fshatin Studenicë të Istogut.
Një person dyshohet se ka shkuar te shtëpia e viktimës, ku pas një mosmarrëveshje që kanë pasur, i dyshuari e ka goditur viktimën me shufër hekuri dhe i ka shkaktuar lëndime trupore.
Ndërkohë, si pasojë e lëndimeve, viktima është dërguar në Spitalin Rajonal në Pejë, e më pas për shkak të natyrës së lëndimeve është dërguar në QKUK për trajtim të vazhdueshëm mjekësor.
“I dyshuari është arrestuar nga njësitet relevante të Stacionit Policor në Istog, dhe i njëjti pas intervistimit nga hetuesit, me urdhër të Prokurorit të shtetit është dërguar në mbajtje për 48-orë”, thuhet në njoftim./teve1.info/
