Një person është lënduar nga një përleshje që ka ndodhur të mërkurën në një lokal në Istog.
Kështu ka bërë të ditur për teve1.info zëdhënësi i policisë për rajonin e Pejës, Fadil Gashi, i cili tha se viktima është goditur disa herë në kokë me kondak të armës.
Gashi ka deklaruar se me t’u larguar i dyshuari ka shtënë një herë me armë zjarri.
“I dyshuari e ka goditur në kokë viktimën disa herë me kondak të armës duke i shkaktuar lëndime trupore. Me t’u larguar i dyshuari ka shtënë një herë me armë zjarri. Policia ka dalur në vendin e ngjarjes, ku e takuar viktimën. Ky i fundit u dërguar për trajtim mjekësor e më pas edhe u intervistua nga policia. I dyshuari lidhur me ngjarjen është ende në arrati, por është i njohur për policinë. Lidhur me rastin është njoftuar edhe prokurori dhe i njëjti e ka inicuar si “Vrasje në tentativë””, ka deklaruar Gashi.
