Një qytetar në Leposaviq ka pësuar lëndime trupore në kokë dhe këmbë pasi është sulmuar fizikisht me armë zjarri nga dy të dyshuar, raporton teve1.info
Sipas raportit të Policisë, rasti është cilësuar si tentim-vrasje, derisa rasti po hetohet nga njësitet policore.
“Leposaviq 23.03.2023-05:20. Viktima mashkull kosovar, me lëndime në kokë dhe këmbë, është paraqitur në stacionin policor Leposaviq dhe ka deklaruar se është sulmuar fizikisht dhe me armë zjarri nga dy persona të dyshuar. Viktima është dërguar në trajtim mjekësor, përderisa në vendin e ngjarjes kanë dalë njësitë përkatëse policore. Rasti është duke u hetuar nga njësitet kompetente policore”, thuhet në komunikatë.
