Pranë vendit të quajtur “Limani” në shëtitoren e qytetit, 43-vjeçari u qëllua me thikë.
Nga kjo therje ai kishte marrë plagë të thellë në mushkëri dhe kishte humbur shumë gjak.
Edhe pse erdhi helikopteri nga Tirana, 43-vjeçari tashmë kishte vdekur. Teksa trupi i tij është dërguar në morgun e qytetit.
Disa orë më parë policia ka arrestuar autorin, Genti alias Jorgo Golemi, po ashtu 43-vjeçar, i dënuar më parë në Greqi për “trafik droge” dhe në Sarandë për “prodhim dhe shitje të lëndëve narkotike” dhe “mbajtje pa leje të armëve dhe municionit”.
Burimet bëjnë me dije se Koka dhe Golemi ishin konfliktuar më herët për shkak të parkimit të një varke në limanin e qytetit, shkruan Syri.net.
