Policia e Kosovës ka arrestuar një person të dyshuar për vrasjen që ndodhi të shtunën në fshatin Fushticë e Poshtme, në komunën e Drenasit.
Sipas raportit 24-orësh të Policisë, ngjarja ka ndodhur rreth orës 13:55, ndërsa në vendin e ngjarjes janë sekuestruar një pistoletë, një gëzhojë dhe një fishek.
Me urdhër të prokurorit të rastit, i dyshuari është dërguar në mbajtje, kurse trupi i pajetë i viktimës është dërguar në Institutin e Mjekësisë Ligjore (IML) për obduksion.
“Është arrestuar i dyshuari mashkull kosovar, nën dyshimin se kishte qëlluar me armë zjarri për vdekje viktimën mashkull kosovar. Është sekuestruar pistoleta, një gëzhojë dhe një fishek. Me vendim të prokurorit i dyshuari është dërguar në mbajtje, ndërsa trupi i pa jetë i viktimës është dërguar në IML për obduksion”, thuhet në raportin e Policisë./teve1.info/
