Prokuroria Themelore në Mitrovicë ka njoftuar se mbrëmjen e 27 majit 2026, në Lagjen e Romëve në Mitrovicë, ka ndodhur një vrasje e rëndë, ku një person i gjinisë mashkullore ka humbur jetën si pasojë e plagëve të marra në fyt nga një armë e ftohtë – thikë. Gjatë incidentit është plagosur edhe vëllai i viktimës.
Sipas Prokurorisë, lidhur me rastin është arrestuar një person i dyshuar, i cili me vendim të prokurorit kujdestar për Krime të Rënda është dërguar në mbajtje.
“Trupi i pajetë i viktimës është dërguar për autopsi në Institutin e Mjekësisë Ligjore (IML) në Prishtinë. Prokuroria Themelore në Mitrovicë, brenda afatit të paraparë ligjor, për të dyshuarin do të paraqesë kërkesë për caktimin e masës së paraburgimit”, thuhet në njoftim.
