Mediat serbe kanë raportuar se personi i cili po kërkohet për vrasjen e policit serb është i arratisur nga burgu i Kosovës, ndërsa kryeministri i Kosovës, Albin Kurti ka thënë se nuk ka informacion shtesë në lidhje me këtë rast.
Në një konferencë për media, Kurti ka thënë se organet e sigurisë në vend janë duke grumbulluar informacionet në lidhje me këtë rast, shkruan teve1.info
“Nuk kam diçka shtesë, por organet tona të sigurisë dhe rendit po i grumbullojnë informacionet dhe ju kisha lutur që të përcillni në vazhdim komunikatat e Policisë së Kosovës, MPB-së dhe MPJD-së”, tha Kurti.
Ndryshe, sot në orët e para të mëngjesit të sotëm në pikëkalimin kufitar në Loznicë të Serbisë pranë kufirit me Bosnje e Hercegovinën, pasi policia ndaloi për kontroll një veturë të markës Mercedes, brenda të cilës gjendeshin dy persona, i dyshuari doli nga vetura dhe shtiu mbi një polic serb, që e qëlloi në gjoks dhe nuk i mbijetoi plagëve./teve1.info
Një polic i vrarë në Serbi, autoritetet në kërkim të sulmuesit