Afër 4 muaj më parë, brenda mureve të ftohta të Qendrës për Punë Sociale në Ferizaj kishte ndodhur një vrasje.
Këtu kishte hyrë i armatosur Valon Aliu dhe kishte qëlluar për vdekje 21 vjeçaren Erona Coklin, me të cilën ishin divorcuar disa muaj më parë.
Që kur ka ndodhur rasti deri më tani, Prokuroria Themelore në Ferizaj nuk ka ngritur aktakuzë, pasi janë duke pritur raportin e ekzaminimit të telefonave të akuzuarit dhe të ndjerës.
“Prokurori i çështjes është në pritje të raportit të ekzaminimit të telefonave të të pandehurit V.A., dhe të ndjerës E.C. Veprimet tjera lidhur me këtë rast janë ndërmarrë nga Prokurori i Shtetit dhe varësisht nga të gjeturat e këtij raporti për të cilin Prokuroria është në pritje, Prokurori i çështjes, do të vlerësojë a do të ndërmerren veprime shtesë apo të ngritët aktakuza për rastin në fjalë”, thuhet nga Prokuroria Themelore në Ferizaj.
4 muaj pas rastit, situata në Qendrën për Punë Sociale duket më e qetë.
Megjithatë, raportimet për dhunë fizike dhe psikike po vazhdojnë.
Tutje Braha Rexhepi theksoi problemet me të cilat përballen në mungesë te punëtorëve socialë, derisa bëri të ditur se kjo qendër së shpejti do pajiset edhe me detektor në hyrje të këtij institucioni
Por sipas Kenan Gashit nga organizata Avonet, prokuroria duhet ta intensifikojë punën në rastin e të ndjerës Erona Cokli.
Lidhur me vrasjen e Erona Coklit, i dyshuari Valon Aliu ndodhet në paraburgim.
