Arian Vranica, nga Shoqata e Gastronomeve të Kosovës, ka thënë se ky sektor që nga koha e pandemisë është përballë më vështirësi.
Ai ka thënë se bizneset janë të shqetësuar për ikjen e punëtorëve, pas liberalizimit të vizave.
I pyetur në emisionin “Këndi i Debatit”, se a kanë marrë masa bizneset për të ndalë ikjen e punëtorëve duke u ofruar kushte më të mira, ai ka thënë se kohët e fundit kanë filluar disa masa, por që sipas tij, kjo është e vonë.
“Mendoj që vonë bizneset kanë fillu me marrë masa për ikjen e punëtorëve. Para një kohe kemi pas një situatë ku kemi pas më shumë kërkues për punë, tash e shohim se ka një tendencë për me i përmirësuar shërbimet ndaj punëtorëve, duke përfshirë edhe sigurimet shendëtsore. Por mendoj se është vonë për me fitu besimin e punëtorëve”, tha Vranica.
Ndryshe numër i madh i qytetarëve të Kosovës kanë lëshuar vendin duke siguruar viza pune në vendet e BE-së.
