Kryeministri i Shqipërisë, Edi Rama, ka votuar në një prej qendrave të votimit në Surrel i shoqëruar nga bashkëshortja e tij, Linda Rama.
Duke folur për problemet e shkaktuara në orët e para për shkak të votimit elektronik, Rama ka uruar që situata e krijuar nga KQZ të mos ketë ndikuar në ato zona ku nuk fillim nuk punuan aparaturat.
“Janë thënë të gjitha ato që duheshin thënë. Tani është momenti i qytetarëve të thonë fjalën e tyre. Uroj që situata e krijuar nga KQZ të mos ketë ndikuar në ato zona ku në fillim nuk punuan aparatura. Të gjithë ata që nuk votuan herën e parë, uroj të kthehen sërish të japin votën e tyre”, tha kryeministri shqiptar.
Në Bashkinë Dimal, votuesit kanë hasur në probleme me pajisjet elektronike të identifikimit, qytetarët që janë paraqitur për të votuar janë kthyer në shtëpi për t’u rikthyer sërish më vonë.
