Komisioni Qendror i Zgjedhjeve ka nisur numërimin e fletëvotimeve nga votimi jashtë Kosovës, përkatësisht nga përfaqësitë diplomatike.
Votimi u mbajt më 27 dhjetor 2025 në 29 përfaqësi diplomatike në 18 shtete, ku nga 19,187 shtetas të regjistruar kanë votuar 16,165 apo 84.24%.
Këto vota janë në proces numërimi, ndërsa më pas do të vazhdojë numërimi i fletëvotimeve të ardhura me postë nga Berlin dhe Bernë.
Sipas KQZ-së, deri më 2 janar 2026, ora 10:00, janë procesuar mbi 90 për qind e vendvotimeve. Procesi i numërimit ka përfunduar në 32 komuna, ndërsa në disa të tjera po vazhdon dhe pritet të përmbyllet gjatë fundjavës.
