Mesfushori Milot Avdyli edhe zyrtarisht është pjesë e skuadrës nga Ukraina, Vorskla Poltava.
Avdyli, të mërkurën është zyrtarizuar te Vorskla, ekip me të cilin ka firmosur kontratë dyvjeçare.
22-vjeçari te Vorskla është transferuar nga skuadra zvicerane Aarau, e cila ka lejuar Avdylin të kaloj në Ukrainë edhe pse kishte kontratë deri në verë.
Avdyli prej vitit 2021 ishte pjesë e Aaraut, ndërsa te kjo skuadër u transferua nga Trepça ’89.
Ai ishte kapiten i Kombëtares U21 të Kosovës, për të cilën ka regjistruar 10 paraqitje dhe ka shënuar 2 gola.
