Shefi i Zyrës së Bashkimit Evropian në Prishtinë, Aivo Orav, ka pritur sot presidenten e Komisionit Evropian, Ursula von der Leyen, e cila po qëndron për vizitë në Kosovë në kuadër të turneut të saj ballkanik.
Përmes një postimi në platformën X (ish-Twitter), Orav ka shprehur kënaqësinë për pritjen e zyrtares së lartë evropiane në Kosovë, pak para takimeve të saj me udhëheqësit institucionalë të vendit.
“I nderuar të pres sot në Kosovë presidenten e Komisionit Evropian, Ursula von der Leyen, para takimeve të saj me presidenten Vjosa Osmani dhe kryeministrin në detyrë, Albin Kurti,” ka shkruar Orav.
Gjatë qëndrimit të saj në Prishtinë, Von der Leyen është takuar edhe me kryeministrin në detyrë, Albin Kurti. Takimi mes tyre është zhvilluar në ambientet e Kuvendit të Kosovës.
