Presidentja e Komisionit Evropian, Ursula von der Leyen ka konfirmuar se e ardhmja e Ballkanit Perëndimor, e Ukrainës dhe Moldavisë është në Bashkimin Evropian.
Në fjalimin vjetor në Parlamentin Evropian rreth gjendjes në BE, Von der Leyen që prezanton momentin më të rëndësishëm në vit për institucionet evropiane, ku shefja e ekzekutivit të BE-së prezantoi vizionin për vitin që vjen, por edhe vitet tjera në vijim.
Ajo ka thënë se BE do të jetë në anën e Ukrainës në çdo hap për aq kohë sa të jetë e nevojshme.
“Mbështetja jonë për Ukrainën do të jetë e qëndrueshme. Ne kemi dhënë 12 miliardë euro vetëm këtë vit për të ndihmuar pagesën e pagave dhe pensioneve. Për të ndihmuar në funksionimin e spitaleve, shkollave dhe shërbimeve të tjera. Dhe përmes propozimit tonë sa më të shpejtë, ne po rrisim prodhimin e municioneve për të ndihmuar në përmbushjen e nevojave të menjëhershme të Ukrainës. Por ne po shohim edhe më tej. Kjo është arsyeja pse ne kemi propozuar 50 miliardë euro shtesë gjatë katër viteve për investime dhe reforma. Kjo do të ndihmojë në ndërtimin e së ardhmes së Ukrainës për të rindërtuar një vend modern dhe të begatë. Dhe kjo e ardhme është e qartë për t’u parë. Kjo Dhomë e ka thënë me zë të lartë: E ardhmja e Ukrainës është në Bashkimin tonë. E ardhmja e Ballkanit Perëndimor është në Bashkimin tonë. E ardhmja e Moldavisë është në Bashkimin tone”, ka theksuar Von der Leyen. /kp
