Që nga viti 2023 është në një pozitat më të rëndësishme të shtetit shqiptar.
Vlora Hyseni për tri vite më radhe udhëheq shërbimin sekret të Shqipërisë.
Por të martën asaj iu pezullua detyra dhe u vendos në arrest shtëpiak pas një hetimi të nisur nga SPAK.
“Arrest në shtëpi” dhe “Pezullim i ushtrimit të një detyre a shërbimi publik”, parashikuar nga nenet 237 dhe 242 të Kodit të Procedurës Penale, ndaj shtetases V. H., me detyrë Drejtor i Shërbimit Informativ Shtetëror (SHSH), si person nën hetim për veprat penale të parashikuara nga nenet 320/2 dhe 295/a/1 të Kodit Penal”, ka njoftuar SPAK-i
Hyseni akuzohet nga Prokuroria e Posaçme për veprat penale të përkrahjes së autorit të krimit dhe nxjerrjes së sekreteve shtetërore.
Detaje rreth akuzës që rëndon ndaj shefes së SHISH-it ka dhënë gazetari nga Shqipëria, Elton Laska,
“Akuzohet se kryetarja e Shërbimit Informativ të Shtetit shqiptar ka marr informacion të cilat duhej të kishte si rrjedhojë e detyrës së saj për të dërguar të shteti shqiptar dhe tek institucionet më të larta ligjzbatuese në Shqipëri dhe i ka dërguar këto informacione të rëndësishme dhe sensitive tek grupet kriminale nëpërmjet lidhjeve të saj personale që ka pasur më të akuzuar të tjerë”, u shpreh gazetari Elton Laska.
Madje sipas tij Presidenti i shtetit, duhet të thërras mbledhje të këshillit të Sigurisë.
“Për shtetin shqiptar është një nga rastet më të rënda që ka përjetuar në këto 100 e ca vite shtet, absolutisht do të duhej që presidenti i Republikës si garant i Kushtetutës të kishte thirru një mbledhje urgjente, këshillin e sigurisë kombëtare pasi është cenuar siguria kombëtare”, ka thënë tutje gazetari Elton Laska.
Shqetësues masat e sigurisë të vendosura ndaj Vlora Hysenit po i sheh edhe deputetja e pavarur në Kuvendin e Shqipërisë, Marjan Koçeku.
“Është një minosje e sigurisë kombëtare dhe tregon që kemi një shtet shqiptar aspak inteligjent për derisa vihet në pikëpyetje siguria e vendit tonë, siguria e qytetarëve ajo nuk është dashtë të emnohet kurrë në krye të intelegjencë së shtetit shqiptar kur është shkakruar nga shtetit i Kosovës pavarësisht që arsyet e shkarkimi nuk janë bërëpublik për shkak se kemi të bëjë me informacion shumë të klasifikime”, tha deputetja Marjana Koçeku.
Vlora Hyseni deri në vitin 2021, ka mbajtur pozita të larta në Agjencinë e Kosovës për Inteligjencë.
Mirëpo ajo u shkarkua me 30 qershor të vitit 2021, nga ish presidentja Vjosa Osmani dhe kryeministri Albin Kurti.
