Këshilli i Bashkimit Evropian i cili përbëhet nga ministrat e vendeve anëtare të BE-së, këtë muaj ka të paraparë të mbaj dy takime.
Ky institucion do ta mbaj takimin e zakonshëm më 23 edhe 24 Qershor, e në bazë të agjendës është e paraparë që po këto ditë, të zhvillohet edhe takimi mes liderëve të BE-së dhe atyre të vendeve të Ballkanit Perëndimor.
Njohësi i çështjeve politike, Melazim Koci, thotë se nga ky takim nuk pret ndonjë gjë konkrete, nëse flitet nga aspekti i integrimit të Ballkanit në BE.
Një mungesë të planit konkret të Bashkimit Evropian për anëtarësimin e Ballkanit Perëndimor, po e sheh edhe analisti nga Maqedonia e Veriut, Arben Ratkoceri.
Këshilli i Bashkimit Evropian, për takimin me liderët e Ballkanit, ende nuk e ka hartuar agjendën finale, duke paralajmëruar se kjo agjendë do të jetë gati një javë para takimit.
Kronika e realizuar nga Valmir Gallopeni
