Policia e Kosovës ka njoftuar për një rast të vjedhjes së rëndë të ndodhur në Graçanicë.
Sipas raportit policor, rasti ka ndodhur të enjten, rreth orës 11:11, kur persona të panjohur kanë hyrë në një shtëpi private duke thyer dritaren dhe kanë vjedhur stoli ari.
“Ankuesi mashkull kosovar ka njoftuar policinë se persona të panjohur kanë hyrë në shtëpinë e tij duke e thyer dritaren dhe prej aty kanë vjedhur stoli ari”, thuhet në raportin e Policisë së Kosovës.
Policia ka bërë të ditur se prokurori kujdestar është njoftuar për rastin dhe ka urdhëruar inicimin e hetimeve.
Rasti është cilësuar si “vjedhje e rëndë”, ndërsa hetimet për identifikimin e autorëve janë duke vazhduar.
