Përveç rrethanave të reja, sistemi elektroenergjetik i Kosovës po dëmtohet edhe nga humbjet teknike në rrjet dhe humbjet nga kyçjet e paautorizuara në rrjet.
“Nga viti 2013 humbjet kanë qenë dikë 32 % ndërsa tani janë 18 %. I kemi dyfishuar zvogëlimin e humbjeve, normalisht që humbjet nuk janë vetëm ato nga vjedhjet por edhe humbjet teknike që ndodhin në të gjitha sistemet elektroenergjetike të botës”, tha Zëdhënësja e KEDS-it, Margarita Rashiti.
Shqetësuese po mbetet mosefikasiteti i gjykatave për zgjidhjen e këtyre rasteve.
“Për çdo vit ne dërgojmë rreth 5 mijë kallëzime penale në Gjykatat Themelore të vendit e që për fat të keq një pjesë e madhe e tyre as nuk trajtohet nga organet e drejtësisë”, shtoi ajo.
Kundërshtime po ka edhe për mënyrën e inkasimit të faturave të rrymës.
“Pas shpërthimit në KEK në emër të kompensimit të dëmeve, mirëmbajtjes dhe rimëkëmbjes është caktuar nëse nëk jam gabim një rritje prej 5.8 % si masë e përkohshme. Masa e përkohshme vlen 6-12 muaj. Kjo masë e përkohshme te na po vlen që 8 vite. Dhe askënd kur bëhet kërkesa për çmim të ri nuk llogaritet sepse ne jemi në bonos, në parapagim”, tha Selatin Kaçaniku, aktivist për të drejtat e konsumatorit
Si humbje komerciale deri në vitin 2017 ishte konsideruar edhe energjia e shpenzuar në veri.
“Në mënyrë flagrante po i diskriminon qytetarët e Kosovës të cilët janë të barabartë para ligjit dhe nuk ka logjikë që një komuniteti që nuk ka probleme ekonomike dhe sociale, por për shkaqe politike e kundërshton edhe shtetin e Kosovës, t’ua paguani dhe t’i lazdroni për një kohë aq të gjatë t’ia paguani rrymën”, tha Bexhet Shala, kryetar i KMDLNJ-së
Ministria e Ekonomisë ka vlerësuar se humbjet nga vjedhjet këtë vit mënd të shkojnë deri në afër 100 milionë euro, nëse nuk ndryshon çmimi i saj.
Raporti i gazetarit Gojart Jashari.
