Ish-presidenti Hashim Thaçi dje vizitoi babanë e tij të sëmurë në Qendrën Klinike Universitare të Kosovës (QKUK).
Ai u soll në QKUK me vetura të EULEX-i, derisa në asistim erdhën edhe Njësia Speciale e Policisë së Kosovës.
Lidhur me sjelljen e Policisë së EULEX-it avokati Visar Rrecaj thotë se ishte arrogante.
“Është shumë interesante sjellja e zyrtarëve policorë, sjellja më të vërtetë ka qenë arrogante. Policia e EULEX-it u munduan që ta sjellin si fshehurazi presidentin në QKUK, mirëpo e sollën me vetura, uniformë e rroba civile jo të rregullta. Kështu që më të vërtetë ka treguar një imazh shumë të keq për Policinë e EULEX-it. Pastaj edhe gjestet dhe sjelljet që i benën me drejtim të gishtave, sepse asnjë polici nuk drejton gisht, ajo mund ta jap komandën për me u ndalë, por jo me drejtua gishta dhe kjo sjellje është tejet arrogante, natyrisht ata janë policë të huaj dhe nuk kanë ndjeshmëri ashtu siç do të kishin Policia jonë në këtë rast…”, tha ai në emisionin “Info Nata” në Tëvë1.
Ndërkohë, thotë se një mënyrë e tillë e sjelljes është e palakmueshme dhe e pahijshme.
“Sjellja ka qenë me të vërtetë e palakmueshme dhe e pahijshme, sidomos ato maskimet me gjysmë shalli që nuk kanë qenë të nevojshme, sepse ata janë zyrtarë ndërkombëtarë askush nga qytetarët e Kosovës nuk paraqet rrezik për ta dhe nuk kanë pasur nevojë të fshihen fare”, tha ai./teve1.info/
