Ministri i Shëndetësisë, Arben Vitia, tha se kanë filluar me investimin e 550 mijë eurove në Klinikën e Oftalmologjisë.
Ai ka thënë se për fëmijët së shpejti mbërrin aparatura bashkëkohore për ekzaminimin oftalmologjik tek të lindurit para kohe (retinopatia e prematurëve “ROP”).
Ndërsa, për pacientët janë bërë rinovime e riorganizime në dy repartet e Klinikës (A dhe B).
“Në vijim janë dy repartet e tjera (C dhe D) së bashku me sallat operative dhe diagnostikën.
Pajijset e reja mjekësore & infrastruktura e përmirësuar mundësojnë:
-Saktësi dhe shpejtësi në diagnostikim
-Shërbime të reja
-Rritje të cilësisë së shërbimeve ekzituese
-Dyfishim të shërbimeve
-Ekonomizim të shpenzimeve publike”, ka shkruar ai.
Tutje, ai ka thënë se vijon transformimi Klinikë për Klinikë.
“Vendosja në përdorim e pajisjeve të reja minimizon rastet e trajtimit jashtë spitaleve publike. Kursejmë në afatmesëm rreth 6 milionë euro”/teve1.info
