Ministri i Shëndetësisë, Arben Vitija ka thënë se inspektoratet dhe organet ligjzbatuese janë në terren dhe kanë marrë të gjitha të dhënat lidhur me rastin dhe burimin e shkakun e helmimit të qindra personave në Malishevë.
Ai tha se mbrëmë pasi u njoftuan për rastin e helmimit bashkë me drejtorin e SHSKUK-së i vizituan të hospitalizuarit në Klinikën Infektive në QKUK, shkruan teve1.info
“Mbrëmë, menjëherë pasi u njoftuam për rastin e helmimit të 68 qytetarëve në Komunën e Malishevës bashkë me drejtorin e SHSKUK-së i vizituam të hospitalizuarit në Klinikën Infektive në QKUK.Në QKUK të hospitalizuar janë 11 qytetarë dhe 9 qytetarë të tjerë janë në Spitalin e përgjithshëm të Prizrenit.Gjendja e të gjithë të hospitalizuarave pas marrjes së trajtimit mjekësor është e qetë dhe stabile. Inspektoratet dhe organet ligjzbatuese janë në terren dhe kanë marrë të gjitha të dhënat lidhur me rastin dhe burimin e shkakun e helmimit”, ka shkruar ai.
Ndryshe, ka shkuar në 120 numri i personave të helmuar nga ushqimi që kanë kërkuar ndihmë mjekësore në Qendrën e Mjekësisë Familjare në Malishevë.
Kështu ka deklaruar për Tëvë 1 Afrim Krasniqi, drejtor i QKMF-së së qytetit të Malishevës, i cili tha se simptomat e tyre kanë qenë vjellje, barkëqitje, temperaturë dhe ethe.
“120 ka shkuar numri i të infektuarve që kanë kërkuar ndihmë mjekësore, si rezultatet i helmimit me ushqim. Rastet që i kemi trajtuar ne në Qendrën e Mjekësisë Familjare kanë që në raste pak më të lehta, ndërsa ato më të rënda i kemi dërguar në Kliniken Infektive në Prishtinë dhe në Spitalin Rajonal në Prizren. Simptomat kanë qenë vjellja, barkëqitja, temperature dhe ethet. Këto kanë qenë simptomat në 99 për qind të rasteve”, ka deklaruar Krasniqi për Tëvë 1.
Helmimi në Malishevë, shkon në 120 numri i personave që kërkojnë ndihmë mjekësore
