Ministri në detyrë i Shendëtisë, Arben Vitia ka thënë se Hysni Mehani është në gjendje stabile.
Ai ka njoftuar se ka vizituar Mehanin në Spitalin e Mitrovicës.
“Sapo vizitova në spital zëvendësministrin, Hysni Mehani, pas sulmit fizik të rëndë ndaj tij sot në Skenderaj. Janë kryer të gjitha ekzaminimet e nevojshme dhe gjendja e tij është stabile. Gjatë ditës së nesërme do të realizohen edhe ekzaminime shtesë”, ka shkruar Vitia në Facebook.
Hysni Mehani është sulmuar fizikisht të enjten në Skenderaj, sipas tij nga Sami Lushtaku, kryetar i kësaj komune.
Ndërsa, Vitia ka thënë se dhuna nuk guxon të bëhet mjet komunikimi në një shoqëri demokratike.
“Sulmet fizike ndaj përfaqësuesve politikë, aktivistëve apo qytetarëve janë të papranueshme dhe cenojnë vetë frymën demokratike të vendit tonë”, ka shkruar ai./teve1.info/
