Ministri i Shëndetësisë, Arben Vitia ka njoftuar se kanë përfunduar punimet edhe në infrastrukturë në në Klinikën e Oftalmologjisë.
Ai ka bërë të ditur se në këtë klinikë janë investuar mbi 500 mijë euro në pajisje të avancuara , ku sipas tij është krijuar një Klinikë të Syve moderne dhe lidere në vend dhe më gjerë në ofrimin e shërbimeve oftalmologjike.
Vitia ka thënë se numri i referimeve është zvogëluar rreth 80%, nga rreth 500 raste në vit në më pak se 100 raste, me rreth 1.6 milionë euro kursime në vit.
“Mbi 6.4 milionë euro janë kursyer në 4 vite për pacientët dhe nga arka e shtetit.Është rritur numri i intervenimeve. Në raport me vitin 2023, në vitin 2024 kemi 504 operime të perdes së syve më shumë. Operimet në segmentin e pasëm të syve, në raport me vitin 2023, janë rritur 15% më shumë në 2024. Janë bërë 1272 aplikime intravitreale të Anti-VEGF më shumë se sa në vitin 2023”, ka shkruar Vitia.
