Ministri i Shëndetësisë, Arben Vitia në seancën e Kuvendit të Kosovës, ka thënë se brenda 40 ditëve pritet të hapet konkursi për specializantët.
Ai tha se janë bërë përgatitjet e nevojshme për konkursin për specializime, raporton teve1.info
“Kemi bashkëpunuar me të gjitha institucionet shëndetësore në vend, kemi identifikuar kapacitetet monitoruese dhe infrastrukturore dhe nevojat potenciale për specializime të reja. Kemi bërë përgatitjet e nevojshme paraprake për konkursin e ardhshëm për specializime. Bordi së bashku me ingjinerët e IT-së në ministrinë e Shëndetësisë kanë përgatitur databazën elektronike të specializantëve që do të lehtësojë monitorimin e tyre, administrimin e të dhënave dhe transparencën e punës së tyre”, ka deklaruar ai.
Sipas tij, përpilimi planit afatmesëm dhe afatgjatë është në fazën përfundimtare dhe brenda 30-40 ditëve pritet të hapet konkursi.
“Përpilimi i planit afatmesëm dhe afatgjatë mbi të cilin do të duhej të bëhet planifikimi i nevojave nacionale specializimeve siç thash është në fazën përfundimtare dhe brenda 30 deri 40 ditë pritet të hapet konkursi për specializimin”, përfundoi Vitia. /Teve1.info/
