Sulmuesi i krahut, Vinicius Junior nuk është as afër arritjes së marrëveshjes me Real Madridin për rinovimin e kontratës, kanë njoftuar mediumet spanjolle.
Realisht, bëhet e ditur se braziliani ka refuzuar rinovimin e kontratës me klubin spanjoll për shkak të kritikave që i ka marrë pas eliminimit të Realit në Botërorin e klubeve.
Po ashtu, edhe te Reali nuk janë të kënaqur me paraqitjet e Viniciusit, i cili tashmë ka ofertë të majme për ta vazhduar karrierën në Arabinë Saudite.
Kontrata aktuale, i skadon Viniciusit në vitin 2027 kurse Real Madridi po insiston në rinovimin e saj deri në qershorin e vitit 2030.
