Është vetëm çështje kohe, përpara se të zyrtarizohet vazhdimi i bashkëpunimit ndërmjet Real Madridit dhe brazilianit Vinicius Junior.
Mediumet spanjolle, kanë raportuar të hënën se palët në parim kanë arritur marrëveshjen dhe Vinicius do të firmos kontratë deri në vitin 2030 me Realin, ku do ta ketë opsionin e vazhdimit edhe për një vit tjetër.
Thuhet se kjo kthesë dramatike ka ardhur pas largimit të trajnerit Xabi Alonso, duke bërë që marrëveshja që deri vonë dukej e pamundur, të arrihet mes Realit e Viniciusit.
25-vjeçari është pjesë e Realit prej vitit 2018 dhe kontrata aktuale i skadon vitin e ardhshëm, ndërsa këtë sezon ka 12 gola e 11 asistime në 36 paraqitje.
