Deputeti i VV-së, Mefail Bajqinovci, e ka konfirmuar se i është djegur shtëpia malore në Bajgorë.
Ai për tëvë1 ka bërë të ditur se tashmë është duke shkuar rrugës për në vendin e ngjarjes.
“Jam duke shkuar, nuk kam kurrfarë informate, pos më kanë thënë se do dyer dhe dritare ka kërsit diçka dhe janë dalë jashtë dhe u kallë një pjesë. Policia janë në vendin e ngjarjes dhe jam në gjysmë të rrugës për Prishtinë-Podujevë. Vila ndodhet mes Bajgorës dhe Llapit është një vend afër Bajgorës. Më thanë që është djegë”, tha deputeti.
Redaksia ka dërguar pyetje në polici, por të njëjtit nuk kanë dhënë akoma informacione. /teve1.info/
