Ulëset të dielën u panë bosh.
E njëjtë më to, ishte edhe hapësira para Komunës së Zubin Potokut.
Të vetmit që po kujdeseshin për sigurinë e kësaj komune, ishin zyrtarët e Policisë së Kosovës.
E qetë situata të dielën ishte edhe në Komunën e Leposaviqit.
Edhe këtu në ditën e fundit të javës, u pa numër simbolik i protestuesve.
Ndryshe nga Zubin Potoku, për sigurinë kwtu po vazhdojnë të përkujdesen pjesëtarët e KFOR-it.
Numër më i madh i protestuesve në vikend, ishte në Komunën e Zveçanit.
Dhjetëra serbë po vazhdojnë qëndrimin në çadrat e vendosura këtu javë më parë.
Edhe këtu para objektit të komunës po vazhdon të qëndrojë KFOR-i.
Si në dy komunat e tjera, ashtu edhe në atë të Zvecanit, flamuri i Republikës së Kosovës po vazhdon të qëndrojë në objektin e komunës.
Njëjtë me të, edhe autoblindat e njësitit special të Policisë së Kosovës.
Kronika e gazetarit Fidan Zejnullahu.
