Një bashkatdhetar ka dërguar në redaksinë e Tëvë1 një video ku shfaqet gjendja e një segmenti rrugor në territorin e Serbisë, në drejtim të pikës kufitare në Merdarë.
Në pamje shihet se një pjesë e rrugës është e paasfaltuar, ndërsa bashkatdhetari u bën thirrje udhëtarëve që planifikojnë të kalojnë nëpër këtë rrugë të kenë kujdes dhe të jenë të përgatitur për kushtet me të cilat mund të përballen.
“Të nderuar bashkatdhetarë, kjo rrugë ju pret kur të vini nga Merdara. Kështu duken investimet e Serbisë në drejtim të shqiptarëve të Kosovës dhe kështu duhet të përballeni me këto kushte në vitin 2026. Ky është ai shtet i cili insiston të hyjë në Evropë”, është shprehur ai.
