“Nuk bëhet për të, bëhet për mua”, deklaron Victoria Beckham duke iu referuar bashkëshortit të saj, David Beckham.
Sipas BBC, kjo është pikërisht ajo që tregon dokumentari i ri prej tre episodeve që publikohet në Netflix të enjten.
Ish-Spice Girl dhe sipërmarrëse mode, 51-vjeçe, është e vendosur të rrëfejë historinë e saj, dy vjet pas serisë së suksesshme televizive të David (50).
Në episodet e saj, Victoria flet hapur për çrregullimin e të ngrënit që e bëri “shumë të mirë në gënjeshtra”, dhe si kritikat për pamjen dhe peshën e saj e kanë ndikuar që në moshë të re.
Kur iu bashkua Spice Girls në 1994, ajo përballej shpesh me tituj negativë për peshën e saj.
Victoria thotë se kjo e bëri të ndjehej e pasigurt dhe e penguar, por mbështetja e shoqeve të grupit e bëri të ndihej “e mjaftueshme” dhe e mësoi të transmetojë këtë mesazh edhe tek vajza e saj Harper, 14 vjeçe: “Je ajo që je”.
Victoria flet hapur për sfidat e biznesit të saj në modë, për kohën kur ishte “miliona në humbje” dhe mendonte se mund të humbte gjithçka.
David ndërhyri për të ndihmuar, dhe ajo tregon sesi arriti të rikuperojë dhe të përgatitej për shfaqjen e saj të suksesshme në Javën e Modës në Paris 2024, ku Gigi Hadid hapi sfilatën.
Sot, Victoria Beckham Ltd ka zyra në Londër dhe Nju Jork dhe produkte në 230 dyqane në 50 vende, raporton KosovaPress.
Për jetën familjare, dokumentari prek shkurt për djalin e madh, Brooklyn, dhe nuk përmend ndonjë konflikt me të, edhe pse media ka raportuar për mosmarrëveshje të mundshme me bashkëshorten e tij.
Victoria tregon gjithashtu pse rrallë buzëqesh në publik: është një mënyrë për të mbrojtur veten përpara kamerave dhe për të shmangur ndjesinë e pakëndshme.
Dokumentari tregon edhe detaje të vogla nga marrëdhënia e çiftit – për shembull, Sir David ndizte blenderin kur nuk donte të dëgjonte Victoria-n.
Ajo rrëfen se nuk ëndërronte të martohej apo të bëhej nënë derisa takoi David.
Në episodin final, ata reflektojnë mbi arritjet dhe planet e ardhshme.
Victoria thotë: “Kam ende shumë që dua të bëj”. Kur David pyet për një fëmijë tjetër, ajo qesh: “Një tjetër fëmijë? Zot i madh. Jo”.
