Victoria Beckham ka emëruar Sybille Darricarrère Lunel si shefen e re ekzekutive të kompanisë së saj, me mandat që nis më 1 korrik 2025.
Ajo do të pasojë Ralph Toledano, i cili më parë ka mbajtur këtë pozitë, raporton WWD në një raport ekskluziv.
Darricarrère Lunel vjen nga Christian Dior Couture, ku ka qenë drejtuese e njësisë së biznesit për produktet e lëkurës, duke mbikëqyrur gamën globale të kësaj kategorie. Ajo ka mbajtur gjithashtu pozita drejtuese në Galeries Lafayette dhe The Kooples.
E entuziazmuar për këtë bashkëpunim, Victoria Beckham, themeluese dhe drejtoreshë krijuese e markës, tha:
“Jam e emocionuar që Sybille po i bashkohet kompanisë si CEO. Mezi pres të punoj krah një gruaje të fortë, krijuese dhe inteligjente, me një mentalitet sipërmarrës dhe energji për ta çuar markën tonë në një nivel tjetër.”
