Disa vetura në një autosallon në Maxhunaj të Vushtrrisë u përfshinë nga zjarri.
Policia e Kosovës doli në vendin e ngjarjes për të hetuar rastin.
E të dielën në një përgjigje për televizionin zëdhënësi i stacionit policor për Rajonin e Mitrovicës, Avni Zahiti tha që janë duke punuar në hetimin e asaj që ndodhi.
“Hetuesit janë duke punuar që të bëjnë një përmbledhje të saktë se çfarë ka ndodhë. Deri tash e konfirmojmë se rasti është iniciuar dhe po dyshohet për zjarrvënie”, tha ai.
Ndërsa nga autosalloni nuk pranuan të deklarohen në lidhje me rastin.
Sipas Policisë së Kosovës, gjatë të hënës pritet të publikohen detaje të reja lidhur me rastin që ndodhi në Maxhunaj të Vushtrrisë.
