Vetura të Ambasadës Amerikane në Kosovë janë parë pranë objektit të Qeverisë së Kosovës.
Burime të televizionit Tëvë1, më herët kanë bërë të ditur se diplomatja amerikane, Anu Prattipati ka zhvilluar një takim me presidenten e vendit, Vjosa Osmani. Megjithatë, ende nuk dihet se për çfarë është diskutuar në këtë takim.
Pas takimit me Osmanin, veturat e përfaqësuesve të ambasadës së Shteteve të Bashkuara të Amerikës në Kosovë, janë parë edhe në oborrin e qeverisë së Kosovës.
Akoma zyrtarisht nuk dihet nëse Prattipati ka zhvilluar edhe një takim me kryeministrin Albin Kurti.
Tëvë1 është në pritje të një përgjigje nga Zyra e Kryeministrit, për të mësuar nëse Kurti ka zhvilluar ndonjë takim me Prattipatin./teve1.info/
