Një person ka vdekur pas një aksidenti trafiku që ka ndodhur në fshatin Bishtazhin, rruga Gjakovë-Prizren.
Rastin për teve1.info e ka konfirmuar edhe zëdhënësi i policisë së Gjakovës, Sheremet Elezaj, i cili tha se në aksident janë përfshirë një kamionë dhe një veturë.
“Rreth orës 10:40 është raportuar aksident trafiku në fshatin Bishtazhin (rruga Gjakovë-Prizren). Policia ka dalë në vendin e ngjarjes ku të përfshirë në aksident kanë qenë një kamion dhe një veturë. Për pasojë një person, mashkull i moshës madhore, ka humbur jetën (ekipi mjekësor në vendin e ngjarjes ka konstatuar vdekjen e tij)”, ka deklaruar ai.
Rasti është duke u trajtuar nga Njësia Rajonale e Komunikacionit Rrugor.
