Në njoftimin nga kjo ministri kanë bërë të ditur se familja e Cimës është pritur nga ministri i Kulturës, Rinisë dhe Sportit, Hajrullah Çeku, ku u kujtua veprimtaria e Cimës.
“Në emër të familjes, të pranishmit i përshëndeti vajza e Rasim Thaçit, Adelina, e cila falenderoi ministrin për organizimin dhe të pranishmit për prezencën, ndërsa shtoi se ndjehet krenare me veprimtarinë që la pas babai i saj ‘Sa herë t’kujtojmë ne në familje – e sa here të kujtojnë njerëzit e këtij nënqielli babë, na kthehet fuqia, optimizmi, buzëqeshja dhe dashuria për njeriun e këtij vendi dhe për këtë vend’, shtoi ajo”, thuhet në njoftim.
Po ashtu, në njëvjetorin e vdekjes së Cimës, para kësaj ministrie është shfaqur edhe vetura ikonike e artistit.
“Rasim Thaçi do të mbetet gjithmonë ikonë e kulturës tonë ndërsa do të kujtohet për veprimtarinë e pasur artistike që ka lënë pas”, thuhet më tej në njoftimin e Ministrisë së Kulturës. /teve1.info/
