Një çiklist ka vdekur si pasojë e plagëve që ka marrë, pasi që një veturë e ka goditur, pasdite e së mërkurës në fshatin Magure të Lipjanit.
Vdekja e viktimës është konstatuar nga ekipi mjekësor në vendin e ngjarjes.
Ndërkohë, policia në raportin ditor ka bërë të ditur se trupi i pajetë i viktimës është dërguar në obduksion.
Lidhur me rastin, një person është arrestuar dhe dërguar në mbajtje.
“Një mashkull kosovar (çiklist) ka vdekur si pasojë e plagëve të pësuara pasi është goditur nga një veturë që drejtohej nga i dyshuari mashkull kosovar. Vdekjen e viktimës e ka konstatuar ekipi mjekësor në vendin e ngjarjes. Me vendim të prokurorit trupi i pajetë i viktimës është dërguar në obduksion. I dyshuari është arrestuar dhe pas intervistimit me vendim te prokurorit është dërguar ne mbajtje”, thuhet në njoftim./teve1.info/
