Një aksident trafiku ka ndodhur sonte në rrugën Prishtinë-Podujevë, ku një veturë ka goditur një këmbësor.
Lajmin e ka konfirmuar për media zëdhënësja e Policisë së Kosovës, Flora Ahmeti, e cila ka bërë të ditur se si pasojë e aksidentit këmbësori ka pësuar lëndime trupore.
“Sot rreth orës 20:30, kemi pranuar informatën se në rrugën Podujevë-Prishtinë ka ndodhur një aksident trafiku. Në këtë aksident ka qenë i përfshirë një automjet dhe një këmbësor. Si pasojë e aksidentit, këmbësori ka pësuar lëndime trupore”, ka deklaruar Ahmeti.
Sipas saj, i lënduari është dërguar për trajtim mjekësor.
Ndërkohë, me rastin po merret njësiti rajonal i trafikut.
