Një motoçiklist është goditur nga vetura, me ç’rast ka pësuar edhe lëndime të rënda trupore, mëngjesin e sotëm në rrugën “Tahir Sinani” në Prizren.
Ai është dërguar në QKUK për trajtim mjekësor.
Kështu ka bërë të ditur për teve1.info, zëdhënësi i Policisë së Kosovës për rajonin e Prizrenit, Shaqir Bytyqi, i cili tha se me rastin tashmë është duke u marrë njësia policore që gjendet në vendin e ngjarjes.
“Sot më datë 21.07.2024, rreth orës 10:10 është raportuar për një aksident trafiku në rrugën ‘Tahir Sinani’ në Prizren. Në aksident janë të përfshirë një automjet dhe një motoçiklet. Si pasoj e aksidentit një person (motoçiklisti) ka pësuar lëndime të rënda trupor dhe është transportuar për në QKUK në Prishtinë. Policia ka dal vendngjarje dhe është duke u marr me rastin”, tha ai./teve1.info/
