Lëvizja Vetëvendosje në zgjedhjet e 12 tetorit në Prishtinë do të garojë me kandidat për kryetar, Hajrullah Çeku.
Përmes një postimi në Facebook, kjo parti të mërkurën, ka publikuar edhe listën e kandidatëve për asamblistë.
Lista përmban 56 emra të kandidatëve për asamblistë, të kryesuar nga kandidatja për asamblistë, Mrika Limani-Myrtaj.
“Sot dorëzuam listën tonë të kandidatëve për Kuvendin e Komunës së Prishtinës – një listë që mishëron zërin e punëtorëve, të rinjve, grave, profesionistëve dhe aktivistëve. Me 48% gra, me një grua bartëse të listës dhe gjashtë gra në dhjetëshen e parë, po e bëjmë të qartë se barazia gjinore nuk është dekor, por bosht i vizionit tonë politik. Kjo është lista e fitores së përbashkët, që sjell dijen dhe përvojën e njerëzve të ndershëm, guximin e atyre që sfidojnë padrejtësitë dhe integritetin e atyre që nuk shiten e nuk blihen. Një listë që do ta kthejë qeverisjen e kryeqytetit në shërbim të shumicës, jo të pakicës së privilegjuar.
Për Prishtinën tonë të barabartë, të gjallë dhe të drejtë”, ka shkruar Çeku.
