Lëvizja Vetëvendosje pritet të mbajë një konferencë për media sot në ora 10:00, vetëm një orë para nisjes së seancës konstituive të Kuvendit të Kosovës.
Lajmin e ka bërë të ditur zëdhënësi i LVV-së, Arlind Manxhuka, përmes një njoftimi për media, duke theksuar se në konferencë do të flasin Glauk Konjufca dhe Albulena Haxhiu. Konferenca do të mbahet në hollin pranë zyrës së Grupit Parlamentar të kësaj partie.
Megjithatë, Manxhuka nuk ka dhënë detaje rreth temës apo qëllimit të kësaj konference, e cila vjen në një moment kyç për zhvillimet politike në vend.
