Vetëm pak ditë pas dasmës së tyre përrallore në Sicili, Dua Lipa dhe bashkëshorti i saj, Callum Turner, duket se janë gati për një kapitull të ri në jetën e tyre.
Ylli i muzikës pop, 30 vjeçe, dhe aktori 36-vjeçar do të zhvendosen në Shtetet e Bashkuara për rreth shtatë muaj, ndërsa Turner përgatitet për xhirimet e ribërjes së filmit horror Possession.
Aktori, i cili do të ndajë ekranin me Tom Hanks dhe Margaret Qualley, tregoi se profesioni i tyre i detyron shpesh të jetojnë mes vendeve të ndryshme.
Ne punojmë në profesione që na detyrojnë të udhëtojmë nëpër botë. Është e rëndësishme që, kur jemi në shtëpinë tonë në Londër, të kalojmë sa më shumë kohë me miqtë tanë. Kujdesemi që të jemi bashkë sa më shumë të jetë e mundur
-u shpreh Turner.
Çifti kurorëzoi dashurinë e tyre në një ceremoni intime në Marylebone Registry Office, ku familjarët dhe miqtë i pritën me konfeti pas shkëmbimit të betimeve.
Festimet vazhduan më pas në Sicili me një ceremoni madhështore në Villa Valguarnera, një prej vilave historike më të njohura të ishullit.
Mes të ftuarve VIP ishin Elton John, Donatella Versace, Joe Alwyn, Grace Gummer, Mark Ronson, Charli XCX dhe George Daniel.
Sipas raportimeve, disa prej të ftuarve nënshkruan marrëveshje konfidencialiteti për të ruajtur privatësinë e festimeve tre-ditore, ndërsa një nga momentet më emocionuese të mbrëmjes ishte interpretimi i këngës së famshme “Your Song” nga Elton John, dedikuar posaçërisht çiftit të sapomartuar.
Tashmë, pas muajit të mjaltit në Itali dhe dasmës që tërhoqi vëmendjen e mediave ndërkombëtare, Dua dhe Callum po përgatiten të nisin aventurën e tyre të re në SHBA, duke kombinuar jetën martesore me angazhimet profesionale.
