Një person ka humbur jetën si pasojë e një vetaksidenti që ka ndodhur të dielën në fshatin Pavlan të Pejës.
Zëdhënësi i Policisë për rajonin e Pejës, Driton Rugova për tëvë1.info ka bërë të ditur se vetura është përfshirë nga flakët së bashku me personin që ishte brenda.
Sipas Rugovës, automjeti dyshohet se ishte duke qarkulluar me shpejtësi të madhe në drejtim të Pejës dhe me të arritur në fshatin Pavlan, ka humbur kontrollin dhe është rrokullisur duke përfunduar në një fushë.
Vdekja e viktimës është konstatuar nga ekipi mjekësor në vendin e ngjarjes, ndërsa trupi i pajetë është dërguar për obduksion në Institutin e Mjekësisë Ligjore në Prishtinë.
“Sot me datën, 01.06.2025, rreth orës 02:20, Policia është njoftuar për një aksident trafiku i cili ka ndodhur në fshaton Pavlan- Pejë, në këtë aksident ishte e përfshirë një veturë e cila dyshohet se ishte duke qarkulluar me shpejtsi të madhe në drejtim të Pejës, dhe me të arritur në fshatin Pavlan, humb kontrollim mbi automjetin dhe rrokulliset duke përfunduar ne fushë, vetura është përfshirë nga flakët se bashku me personin që ishte në veturë, në vendin e ngjarjës kanë dalë njësitet relevante të Policisë, ekipi i zjarrëfiksëve dhe ekipi mjekësor të cilët kanë konstatuar vdekjen e viktimës, me urdhër të prokurorit të shtetit viktima dërgohet ne IML-Prishtinë për obduksion”, ka thënë Rugova./teve1.info/
