Policia ka bërë të ditur se deri te aksidenti kishte ardhur derisa drejtuesi i veturës ishte duke qarkulluar nga bjeshkët e Strellcit në drejtim të fshatit Strellc-Deçan, ku duke mos iu përshtatur kushteve të rrugës ka humbur kontrollin dhe është përplasur me një shkëmb, raporton teve1.info
“Deri te aksidenti ka ardhur derisa drejtuesi i automjetit ishte duke qarkulluar nga bjeshkёt e Strellcit nё drejtim tё fshatit Strellc-Deçan, ku me tё arritur në kilometrin e pestё (5), duke mos iu përshtatur kushteve tё rrugës e humb kontrollin dhe del jashtë rrugës duke u përplasur me njё shkëmb”, thuhet në njoftim.
Në këtë vetaksident kanë pësuar lëndime i dyshuari dhe dy persona të tjerë që janë dërguar në spitalin rajonal të Pejës.
Nga ekipi mjekёsor ёshtё konstatuar vdekja e njёrit nga tё lënduarit tё automjetit dhe me urdhër të prokurorit të shtetit trupi i pajetë i viktimës dërgohet në Institutin e Mjekësisë Ligjore në Prishtinë, për obduksion, ndërsa i dyshuari dërgohet në mbajtje.
