Shiu që ra vërshoi sheshin e Komunës së Podujevës.
Madje, reshjet atmosferike vërshuan disa nga rrugët kryesore të qytetit.
Vërshime pati edhe tek oborri i Qendrës Kryesore të Mjekësisë Familjare të Podujevës.
E një ditë pas, të gjitha rrugët janë të kalueshme. Megjithëse janë shkaktuar vështirësi në qarkullim për shkak të punimeve të shumta qe janë duke u realizuar.
Pikërisht këto punime, sipas drejtorit të Shërbimeve Publike janë shkaktar kryesor i këtyre vërshimeve.
Sipas tij të njëjtat nuk kanë shkaktuar dëme materiale dhe se po punojnë që mos të këtë sërish vërshime.
Por nga opozita në këtë Komunë po akuzojnë pushtetin lokal për punime jo cilësore.
Vërshime në këtë qytet ka pasur edhe vitin e kaluar ku janë dëmtuar shumë ekonomi familjare.
