Në pamjet e siguruara nga teve1.info shihen vërshime në rrugën “Mbretëresha Teuta”, në Mitrovicë.
Një qytetarë i Mitrovicës për teve1.info ka thënë se uji ka depertuar në disa lokale që gjenden në këtë zonë pas reshjeve të shumta të shiut.
Vërshime janë shkaktuar në komunën e Pejës, Gjakovës, Skënderajt, Istogut. Nga vërshimet është prekur edhe Podujeva.
Instituti Hidrometeorologjik i Kosovës, sot ka bërë të ditur se si pasojë e reshjeve të ditëve të fundit, sidomos në pjesën perëndimore, veriperëndimore dhe veriore të Kosovës, disa lumenjë kanë paraqitur disa vërshime të shpejta.
IHMK ka potencuar se situata e vështirësuar hidrometeorologjike pritet që të vazhdojë dhe gjatë ditëve në vijim. “Nivelet dhe prurjet e lumenjëve, pritet të ngriten dhe të shkaktojnë vërshime/përmbytje”, është bërë e ditur në njoftimin e Institutit Hidrometeorologjik të Kosovës./teve1.info
